Alkalin Alkalan Nijeriya (CJN) mai shari\u2019a Muhammad Tanko yayi murabus daga mukamin sa na babban mai shari\u2019a a kotun koli.<\/p>\n
Rahotannin sun bayyana cewa ya yi murabus din ne sakamakon rashin lafiya\u00a0 da yake fama da ita.<\/p>\n
Ana sa rana daga na zuwa ko wanne lokaci za\u2019a maye gurbin sa da mai shari\u2019a olukayode Ariwoola , wannan da ke matsayin mafi girma bayan mai shari\u2019a Mary Odili wadda tayi ritaya\u00a0 12 ga watan mayun bayan ta cika shekaru 70 a matsayin mukaddashi.<\/p>\n
An dai hafi Mai shari\u2019a Muhammad a garin Doguwa, dake karamar hukumar Gaide ta jihar Bauchi a ranar 31, Disamban 1953.<\/p>\n
Ya halarci makaranatr Firamare ta Giade daga 1961 zuwa 1968, inda ya tafi zuwa sakandire ta Azare a shekarar 1969 zuwa 1973, daga bisani\u00a0 ya zuwa makarantar Abdullahi Bayero University College, kano inda yayi karatun share fagen shiga jami\u2019a na IJMB daga shekarar 1975 zuwa 1976, bayan ya sami nasarar ne ya sammi gurbin karatu a jami\u2019ar Ahmadu Bello dake Zaria daga shekara 1976 zuwa 1980, ya kuma halarci kwalejin\u00a0 koyan aikin shari\u2019a daga shekarar 1980 zuwa 1981.<\/p>\n
Domin Karin karatu ya koma zuwa jami\u2019ar Ahmadu Bello dake Zari\u2019a, inda ya sake samun digiri na 2 a fannin shari\u2019a (LLM) a wani tsari na wucin gadi daga shekarar1982 zuwa 1984.<\/p>\n
Saboda sake samun gogewa a fannin ya dora dai a jami\u2019ar ta Ahmadu Bello domin samu digirin na 3 (PhD) a fanin shari\u2019a duk dai a tsarin wucin gadi.<\/p>\n
Daga bisani shugaban Nijeriya Muhammadu Buhari ya rantsar da shi a matsayin Alkalin Alkalan kasar a watan Janairun 2019, bayan dakatar da mai shari\u2019a Walter Onnoghen.<\/p>\n
Bisa doka dai dukkan babban Alkalin kotun koli a Nijeriya wajibi ne yayi murabus da zarar ya kai shekara 70 a duniya.<\/p>\n