{"id":74574,"date":"2023-11-21T15:45:30","date_gmt":"2023-11-21T14:45:30","guid":{"rendered":"https:\/\/prnigeria.com\/hausa\/?p=74574"},"modified":"2023-11-21T15:45:30","modified_gmt":"2023-11-21T14:45:30","slug":"obasanjo-kalubalnaci-hukuncin","status":"publish","type":"post","link":"https:\/\/prnigeria.com\/hausa\/2023\/11\/21\/obasanjo-kalubalnaci-hukuncin\/","title":{"rendered":"Obasanjo ya kalubalnaci hukuncin kotu kan zaben Gwamnoni"},"content":{"rendered":"
\n
\n

Tsohon shugaban Najeriya, Olusegun Obasanjo ya caccaki hukuncin da al\u0199alan Najeriya suka yanke kan shari’o’in za\u0253e, yana mai cewa bai kamata al\u0199alai uku zuwa biyar su soke hukuncin da miliyoyin masu kada \u0199uri’a suka yanke a lokacin zabe ba.<\/p>\n

Obasanjo ya bayyana ikon da wasu al\u0199alai \u0199alilan ke da shi a matsayin al’amari da “ba za a amince da shi ba.”<\/p>\n

Tsohon shugaban \u0199asar ya yi magana ne dangane da hukuncin da kotun \u0257aukaka \u0199ara ke ci gaba da yi kan ta\u0199addamar za\u0253e ta bayan za\u0253en 2023 a Najeriya.<\/p>\n

A makon da ya gabata ne dai wasu al\u0199alan kotun \u0257aukaka \u0199ara suka yanke hukuncin korar wasu gwamnoni uku daga aiki.<\/p>\n

Lokacin da yake tsokaci a wani taro sake fasalin dimokura\u0257iyya domin amfanin \u0199asashen Afirka, a garin Abeokuta na jihar Ogun, ya ce tsarin mulkin dimokura\u0257iyya na \u0199asashen yamma ba zai ta\u0253a yin daidai da \u0199asashen Afirka ba kasancewar ba ya la’akari da ra’ayin mafi yawan al’umma.<\/p>\n<\/div>\n<\/div>\n