Rahotanni daga garin Maiduguri dake jihar Borno a arewa maso gabashin Nijeriya ta tabbatar da cewa dubban mutane sun rasa matsugunansu yayin da Hukumar Kula da Gidajen Gyara Hali da trabiyya ta kasar ta sake kamo fursunoni uku da suka tsere bayan rugujewar kurkuku, sannan kashi 80% na dabbobin gidan zoo na Sanda Kyarimi sun mutu saboda ambaliyar ruwa mafi girma da aka samu a cikin shekaru 30 a Jihar.<\/p>\n
Biyo bayan wannan mummunar annoba, Shugaban kasa Bola Tinubu ya yi kira da a gaggauta kwashe al\u2019ummomin da ambaliyar ta mamaye, duk da cewa baya kasar a yanzu.<\/p>\n
Kimanin kashi 70% na birnin Maiduguri ya nutse cikin ruwa kamar yanda Hukumar Bayar da Agajin Gaggawa ta \u0198asa (NEMA) ta bayyana, inda ruwa ya mamaye wurare da dama, ciki har da fadar Shehun Borno, Umar Ibn Garbai El-Kanemi, ofisoshin gwamnati, da wasu manyan wurare kamar kasuwar Monday Market da Asibitin Koyarwa na Jami\u2019ar Maiduguri.<\/p>\n
Kakakin NEMA, Manzo Ezekiel, ya bayyana cewa yankunan da aka saba \u0257aukarsu a matsayin masu tudu suma sun nutse, wanda ya sa mutane da dama suka ma\u0199ale, yayin da wasu suka tashi da safe suka tarar suna cikin ruwa tsundum.<\/p>\n
An bayyana cewa, sakamakon kwararar ruwan da ya biyo bayan fashewar Dam \u0257in Alau, Maiduguri ta kasance \u0199arkashin ruwa tun \u0199arshen mako, inda NEMA ke ci gaba da gudanar da aikin ceto da bayar da tallafi ga mutanen da abin ya shafa.<\/p>\n
Gwamnatin jihar ta Borno tare da ha\u0257in gwiwar NEMA sun bu\u0257e sansanoni guda uku don ba da mafaka ga \u01b4an gudun hijirar da ambaliyar ta raba da muhallansu.<\/p>\n
Jami\u2019an NEMA sun bayyana cewa sama da kashi 70% na mazauna Maiduguri sun rasa matsugunansu, tare da rufe makarantu da ofisoshin gwamnati sakamakon ambaliyar.<\/p>\n
Mataimakin Shugaban \u0198asa, Kashim Shettima, ya isa Maiduguri don duba \u0253arnar da ambaliyar ta yi, kuma ya umurci hukumomin gwamnati su hanzarta ba da taimako ga al\u2019ummomin da abin ya shafa.<\/p>\n
Hukumar Gidajen Gyara Hali ta Najeriya ta tabbatar da tserewar fursunoni sama da 200 daga kurkukun Maiduguri, amma a halin yanzu an sake kama uku daga cikinsu, yayin da ake ci gaba da neman sauran.<\/p>\n
PRNigeria Hausa<\/p>\n","protected":false},"excerpt":{"rendered":"
Rahotanni daga garin Maiduguri dake jihar Borno a arewa maso gabashin Nijeriya ta tabbatar da cewa dubban mutane sun rasa matsugunansu yayin da Hukumar Kula da Gidajen Gyara Hali da trabiyya ta kasar ta sake kamo fursunoni uku da suka tsere bayan rugujewar kurkuku, sannan kashi 80% na dabbobin gidan zoo na Sanda Kyarimi sun […]<\/p>\n","protected":false},"author":454,"featured_media":75742,"comment_status":"closed","ping_status":"closed","sticky":false,"template":"","format":"standard","meta":{"_jetpack_memberships_contains_paid_content":false,"footnotes":"","jetpack_publicize_message":"","jetpack_publicize_feature_enabled":true,"jetpack_social_post_already_shared":true,"jetpack_social_options":{"image_generator_settings":{"template":"highway","default_image_id":0,"font":"","enabled":false},"version":2}},"categories":[1,20115],"tags":[20148,11281,322,1691,14,20481,173],"byline":[],"class_list":["post-75740","post","type-post","status-publish","format-standard","has-post-thumbnail","hentry","category-general","category-labarai","tag-ambaliyar-ruwa","tag-babagana-umara-zulum","tag-borno","tag-director-general-of-nema","tag-fg","tag-kashim-shattima","tag-maiduguri"],"yoast_head":"\n