Rikicin Kasashen Biyu: Rasha ta Tabbatar da Kashe Jami’in Sojanta a Ukraine
Hukumomi a Rasha sun tabbatar da mutuwar mataimakin kwamandan a rundunar sojan ƙasar ta Black Sea Fleet, Kyaftin Andrei Paly, a filin yaƙi na garin Mariupol.
Har yanzu ana ci gaba da fafatawa a garin na Mariupol mai tashar jirgin ruwa.
Read Also:
Tun farko sakataren kwaliejin soja ne mai suna Konstantin Tsarenko ya tabbatar da mutuwar sojan a dandalin sada zumunta na Vkontakte (VK).
Gwamnan yankin Sevastopol, Mikhail Razvozhayev, ya faɗa cikin wani saƙon Telegram cewa “Andrei Nikolaevich ya zaɓi ya kare ƙasarmu a matsayin sana’arsa kuma ya rasu saboda mu zauna lafiya nan gaba”.
Rundunar sojan Ukraine ta yi iƙirarin kashe janar-janar na Rasha biyar tun bayan fara ɓarin wuta ranar 24 ga watan Fabarairu. Sai dai janar ɗaya ne kawai Rasha ta tabbaatar da mutuwarsa – Janar Andrei Sukhovetsky.
