EFCC ta Kama Shugaban Hukumar ECN Kan Badaƙalar Naira Biliyan 500
Hukumar yaƙi da cin hanci da rashawa ta EFCC ta kama Darakta-Janar na Hukumar Makamashi ta Najeriya (ECN), Mustapha Abdullahi, bisa zargin almundahanar kuɗi.
Wata majiya daga hukumar ta EFCC ta ce an kama shi ne a Abuja, kuma a halin yanzu yana hannun hukumar domin ci gaba da bincike.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Majiyar ta ce ana zargin cewa kuɗaɗen da ake binciken sun kai kusan Naira biliyan 500.
Har yanzu EFCC ba ta fitar da cikakken bayani a hukumance ba, kuma ƙoƙarin jin ta bakin kakakinta bai yi nasara ba.
An naɗa Mustapha Abdullahi a matsayin shugaban hukumar makamashi ta ƙasa a watan Oktoba 2023.
An naɗa Mustapha Abdullahi Shugaban ECN bayan ya shafe fiye fa shekaru 10 yana aiki a Hukumar Kula da Harkokin Man Fetur NUPRC.
