An Samu Gawar Yara 3 da guda 1 a Sume a Gidan Mai Maganin Gargajiya
Yaro na hudu, wanda aka tsinta a sume tare da sauran, an ceto shi kuma aka yi hanzarin kai shi asibiti, inda yan sanda suka ce, halin da yake ciki yana da hadari sosai.
An sami yara uku matattu a gidan wata mata Mai maganin gargajiya, wadda aka fi sani da “Ezenwanyi”, a kauyen Umuoduba, Ideani cikin karama hukumar Idemili north a jihar anambra.
Read Also:
Lamarin, wanda ya faru a tsakar daren Laraba, ya jefa al’umma cikin kaɗuwa, yayin da mazauna garin ke ƙoƙarin fahimtar yanayin da ya kai ga mutuwar yaran.
Mazauna garin sun ce, an tsinci yara huɗu, waɗanda ake ƙiyasin shekarunsu tsakanin 6 zuwa 15, a sume a cikin tsakar gidan matar.
Yayin da aka tabbatar da mutuwar uku daga ciki, yaro na huɗu kuwa, wanda ke da sauran numfashi, mazauna garin ne suka kai shi asibiti kafin jami’an agajin gaggawa su ƙaraso.
Bayanan asalin yaran da kuma yadda suka tsinci kansu a gidan ba a gama tabbatarwa ba a lokacin da ake haɗa wannan rahoto.
