Gwamnatin tarayya kasar nan tace zata kashe naira tiriliyan 3 wajen biyan mafi karancin albashi da kuma biyan fansho da garatitun ma’aikatan kasar nan.
Ministan kasafi da tsare tsare Atiku Bagudu ne ya bayyana hakan, yayinda yake ganawa da mambobin kwamitin majalisar dattijai kan kasafi wanda olamilekan Adola ke jagoranta.
Read Also:
A yayin ganawa Ministan ya gabatar musu ga daftarin sabon kudirin mafi karancin albashin na shekarar 2024.
Idan dai za’a iya tunawa shugaban kasa Bola Tinubu, ya amince da biyan naira dubu 70 matsayin mafi karancin albashi ga ma’aikatan kasar nan bayan wata ganawa da yayi da shugabancin kungyoyin kwadago na NLC da TUC
Haka kuma shugaban kasar ya bukaci yin nazari kan dokar albashin dukkanin bayan shekaru uku a madadin shekaru biyar da ake dubawa a baya.
PRNigeria hausa
