Home Taska Jami’an Tsaro Sun Kuɓutar da Mutane 32 Yayin da 4 Suka Mutu...

Jami’an Tsaro Sun Kuɓutar da Mutane 32 Yayin da 4 Suka Mutu a Jihar Sokoto 

Jami’an Tsaro Sun Kuɓutar da Mutane 32 Yayin da 4 Suka Mutu a Jihar Sokoto 

 

Rundunar ƴansandan jihar Sokoto ta sanar da cewa mutum huɗu sun mutu bayan da wasu ’yanbindiga suka kai hari a ƙauyen Maikujera da ke ƙaramar hukumar Rabah a jihar Sokoto.

Rundunar ta ce maharan sun kutsa yankin ne suna harbe-harbe tare da yin garkuwa da mutane da kuma satar dabbobi kafin jami’an tsaro su isa wurin.

A cikin wata sanarwa da rundunar ta fitar, ta ce jami’anta tare da haɗin gwiwar dakarun soji sun bazama yankin bayan samun kiran gaggawa cewa ’yanbindiga suna wucewa da shanu da suka sace tare da mutane da suka yi garkuwa da su inda suka toshe hanyoyin da ake zargin ’yan bindigar za su bi wajen tserewa.

Hakan ya janyo musayar wuta mai tsanani tsakanin jami’an tsaro da maharan, lamarin da ya tilasta wa ’yan bindigar tserewa cikin daji tare da barin mutanen da suka yi garkuwa da su da kuma dabbobin da suka sace.

Rundunar ta ce ta samu nasarar kuɓutar da mutum 32 da aka yi garkuwa da su ba tare da sun ji rauni ba.

Waɗanda aka ceto sun haɗa da maza shida da mata 26, yawancinsu yara ne.

Kwamishinan ƴansandan jihar, Hayatu Hassan Shaffa, ya miƙa sakon ta’aziyyarsa ga iyalan waɗanda suka mutu tare da jaddada cewa jami’an tsaro na ci gaba da farautar ’yan bindigar domin gurfanar da su a gaban kuliya.

 

 
VISIT OUR OTHER WEBSITES
PRNigeria.com EconomicConfidential.com Hausa.PRNigeria.com
EmergencyDigest.com PoliticsDigest.ng TechDigest.ng
HealthDigest.ng SpokesPersonsdigest.com TeensDigest.ng
ArewaAgenda.com Hausa.ArewaAgenda.com YAShuaib.com
Latest News
Kashifu Inuwa: Jagorantar Kamfen Na Dimokuraɗiyya Na "Tinubu Must Stay" Mai Inganci Na Abdulkadir IbrahimTsakanin Ƙuri'u Da Haihuwa: Lokacin Da Lambobi Suka Zama Ƙarfin Ƙasa Da Ba A Yi Amfani Da Shi Ba Na Haroon Aremu Abiodun, ANIPRWPRF: Tinubu Ya Amince Da Kafa Jami'ar Hulɗa Da Jama'a Da JagoranciZaɓen 2027: NYSC Ta Hana Tura Ƴan Bautar Ƙasa Zuwa Ƙananan Hukumomi 94 Masu Rashin TsaroDalilin Da Ya Sa Afuwar Da Shugaba Tinubu Ya Yi Wa Wadanda Ake Zargi Da Harin Ayarin Motocinsa Ta Cancanci Yabo Na Umar Farouk BalaRundunar Sojojin Ruwa Ta Kwace Man Fetur na  ₦15.79m da Ake Zargin An Sace, ta Mika Buhunan Shinkafa 316 ga Hukumar KwastamDSS ta Roƙi Kotun Ɗaukaka Ƙara ta Tabbatar da Hukuncin Tarar N100m a Kan SERAP Bisa Ɓata Suna2027: Ƴan Sandan Sokoto Sun Umurci Tsaka-Tsaki, Sun Ƙarfafa Leken Asiri Gabanin Yaƙin Neman Zaɓe2027: NDC ta Kano ta Rasa Mataimakin Shugaban Ƙaramar Hukumar Bichi, Shugabannin Mazabu 5 zuwa APCƳan Jarida na Brand Sun Yaba wa IMPR kan Ƙirƙirar AI a PR, da Nasarar Grand Prix ta IPRA Mai TarihiTinubu Ya Umurci Sakin Mutane 78 da Ake Zargi Bayan Harin da Aka Kai wa Tawagar Shugaban ƘasaBUGUN SIYASA: Harin Tawagar Kwankwaso, Afuwar Tinubu Sun Ƙara Tashin Hankali a Yaƙin Neman ZaɓeBauchi 2027: Shehu Buba na PRP ya Kaddamar da Kwamitin Yaƙin Zaɓe na Mambobi 1,000Jihohi 33 Sun Nemi Ƙarin Dala Miliyan 500 na NG-CARESYawan Hauhawar Farashin Kayayyaki a Najeriya ya Ragu Zuwa Kashi 14.06% a Oktoba
X whatsapp