An Kama Jami’an NIMC da Ake Zargi da Yin Rijistar ‘Yan Kasashen Waje a Jamhuriyar Nijar
Jami’an rundunar sojin Najeriya da ke yankin yammacin Afirka a Jamhuriyar Nijar sun kama wasu jami’an hukumar jabu guda biyu da ake zargi da yi wa wasu ‘yan kasashen waje rijistar NIN.
Daraktan yada labarai na rundunar, Manjo Janar Musa Danmadami ne ya bayyana hakan a yayin taron tattaunawa na mako biyu a hedikwatar tsaro.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Janar Danmadami ya bayyana cewa wadanda ake zargin sun ziyarci sansanin ‘yan gudun hijira na Gagamari da ke jamhuriyar Nijar ne domin yin rijistar wadanda ba ‘yan Najeriya ba a sansanin ‘yan gudun hijirar, inda ya ce an kwato kayayyaki daga hannun wadanda ake zargin da suka hada da na’urar rajista ta kasa (NIN), na’urar bugu, na’urar laminating, na’urar bin diddigin kwamfuta da saitin janareta a tsakanin sauran abubuwa.
Janar din sojan ya kara da cewa sojojin sun kuma kama ‘yan ta’adda, masu samar da kayan aiki tare da kubutar da fararen hula a lokacin da suke gudanar da aikinsu.
A cewarsa, an mika su ga hukumar da ta dace domin daukar mataki.
