Shugaban kasar Amurka Joe biden ya dakatar da yakin neman zabensa a ranar lahadi.
wannan ya biyo bayan hukuncin da jam’iyyar sa ta demukrat ta yanke kan ingancin lafiyar kwakwalwarsa, da kuma binda take gani matsami nakasu a takarar tasa da Donald Trump.
Biden ya wallafa a shafin sa X cewa zai kasance a mukamin sa na shugaban kasar Amurka kuma shugaban rundunar sojojin kasar har zuwa lokacin da wa’adin mulkin sa zai kare a watan janairun 2025.
Haka kuma yace zai yiwa Al’ummar kasar jawabi a cikin wannan makon mai kamawa.
An dai ta kai ruwa rana kafin shugaban kasar kuma dan takarar shugabancin kasar a karkashin inuwar jam’iyyar Demukrat ya janye daga takarar bisa zargin tsufa da kuma rashin ingantacciyar lafiyar kwakwalwa.
”A lokacin da muka ɗauka muna mulki mun samar da muhimman abubuwa ciki har da dokar mallakr bindiga”.
Shugaban ya kuma goyi bayan mataimakiyar Kamala Haris a matsayin wadda za ta yi takarar shugabancin ƙasar a madadinsa.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
”A yau ina son in jaddada cikakken goyon bayana ga Kamala a matsayin ‘yar takarar shugabancin ƙasar a ƙarƙashin inuwar jam’iyyarmu, lokaci ya yi da za mu haɗa kai wuri guda domin kayar da Donald Trump”, kamar ya wallafa a shafinsa na X.
A makon da ya gabata ne gwaji ya tabbatar da cewa shugaban ya kamu cutar korona, inda ya killace kansa a gidansa da ke Delaware, to sai dai a ranar Juma’a ya ce ya samu sauƙi, kuma zai ci gaba da yaƙin neman zaɓen sa cikin makon mai zuwa.
A baya dai shugaban ya ce ”Allah ne kawai” zai hana shi tsayawa takara bayan da aka yi matsa masa lamba kan ya haƙura da takarar, to sai dai daga baya ya ce zai iya haƙura da takarar bisa sharaɗin lafiya..
A baya-bayan nan dai shugaban ya fuskanci matsin lamba daga manyan ‘yan jam’iyyarsa da ke kiraye-kirayen ya haƙura da takara, tun bayan rashin katabus a muhawarsa da Donald Trump.
PRNigeria Hausa
