Rundunar ƴan sanda a jihar Kano ta tabbatar da kama matasa hudu da take zargi da yiwa mutane kwacen waya a jihar.
wannan na kunshe ta cikin wata sanarwa mai dauke da sa hannun rundunar, SP Abdullahi Haruna Kiyawa, wadda ta ce an kama mutanen kan titin Airport Road inda kuma aka same su da wayoyin hannu guda bakwai da ankwa.
Mutanen da ake zargi sun bayyana cewa suna amfani da babur mai ƙafa uku wajen yi wa jama’a ƙwacen waya.
Rundunar ta ce wani Aminu Sulaiman ya shigar da ƙorafi cewa an sace wayarsa cikin motarsa a wani gidan mai da ke jihar inda bayan samun rahoton, wata tawagar ƴan sanda ta kama mutane uku da ake zargi. An gano wayar da aka sace da kuma babur mai ƙafa uku da suke amfani da shi wajen aikata ta’asar.
Read Also:
A cewar rundunar a ranar 23 ga watan Afrilu, sun samu kiran waya inda aka sanar da su wasu ɓatagari a kan babur mai ƙafa uku suna far wa fasinja tare da sace wayarsa. An kuma aika tawagar ƴan sanda inda suka fara bincike sannan suka kama ɗaya daga cikin waɗanda ake zargi tare da gano wayar da wuƙa mai kaifi daga wajensa.
Rundunar ta ce ana gudanar da bincike kan mutanen da ake zargi a sashen binciken manyan laifuka sannan daga bisani za a gabatar da su gaban kotu.
Ko dai a ranar bikin hawan Nasarawa da aka gudanar cikin bukukuwan karamar sallah a jihar, Gwamna Abba kabir Yusuf ta cikin jawabinsa ya zargi wasu cikin ‘yan siyasa da bayar da gudunmawa wajen haifar da fadan daba da rikicin siyasa a jihar.
PRNigeria Hausa
