Rahotannin daga jihar Bauchi na tabbatar da cewa Jagoran ɗarikar Tijjaniyya a Najeriya Sheikh Dahiru Usman Bauchi ya rasu.
Malamin ya rasu ne da asubahin ranar Alhamis. a wani asibiti da ke jihar Bauchi, sakamakon ƴar gajeriyar jinya.
Majiyoyi daga iyalansa sun ce za a yi jana’izar shehin malamin ne a ranar Juma’ah.
Fitaccen malamin addinin Musuluncin ya rayu tsawon shekaru 100 a duniya, inda ke guda cikin hafizan Al’qurani mai tsarki, masanin tafsi, ya rasu ya bar ƴaƴa da jikoki masu yawa.
