WSCIJ ta yaba da kwazon jaridun PRNigeria da Economic confidential

Cibiyar binciken kwakwafi ta Wole Soyika ta yabawa da kwazon jaridun PRNigeria da Economic confidential.

Cibiyar binciken kwakwafi ta Wole Soyinka, WSCIJ ta bayyana gamsuwarta bisa kokarin Jaridun PRNigeria da Economic Confidential suka nuna a wani hadin gwiwa da tayi da su domin cigaba.

Dukkan jaridun na  PRNigeria da Economic Confidential, wani yanki ne dake karkashin inuwar kamfanin Image Merchants Promotion (IMPR), na cikin zababben kafafen yada labarai 26 da cibiyar ta WSCIJ zaba bisa tallafin  gidauniyar MacArthur.

Babbar daraktan cibiyar Mrs. Motunrayo Alaka, ta bayyana hakan yayin da  jagorancin tawagar cibiyar zuwa babban ofishin Jaridar dake Abuja, domin bayyana kokarin jaridun.

Ta  yabawa jaridun guda biyu dake karkashin kamfanin na IMPR bisa yadda suke wallafa sahihan labarai masu muhimmancin gaske.

Da yake nasa jawabin babban Editan Jaridun Mal. Yushau Shuaib ya bayyana cewa jaridun sun wallafa Labarin binciken kwakwafi, rahotanni na musamman da ya ja hankalin Mahukunta suka dauki mataki kan wasu lamurran da suka shafi al’ummomin  Niger, Zamfara, Kebbi da kuma birnin tarayya Abuja.

PRNigeria hausa