Gwamnatin Ukraine ta sanar da yin musayar fursunoni sama da 100 tsakaninta da Rasha, musayar da ta ce ita ce ta farko da ta kunshi mata zalla, bayan shafe kusan watanni takwas suna gwabza yaki.
Shugaban ma’aikatar fadar shugaban Ukraine Andriy Yermak ya ce mata 108 suka samu nasarar kubutarwa yayin musayar fursunonin da suka yi da Rasha.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Yermak ya ce wasu daga cikin mutanen da aka yi musayar karbarsu daga hannun sojojin Rasha, iyaye ne da ‘yayansu mata da aka tsare su tare, yayin kawanyar da dakarun mamaya suka yi wa kamfanin sarrafa karafa na Azovstal da ke birnin Mariupol.
A cikin jawabinsa na yau da kullun da yammacin ranar Litinin, shugaba Vlodymyr Zelensky ya ce 96 daga cikin fursunonin da aka yi musanya sojoji ne mata, 12 kuma fararen hula.
Ita kuwa ma’aikatar tsaron Rasha ta ce mutanenta 72 da suka dawo daga Ukraine ma’aikatan wani jirgin ruwa ne na fararen hula da Ukraine ta tsare su tun a watan Fabrairu.
