Rundunar ƴan sandan jahar Kano ta cafke mutane 62 da ake zargi da aikata laifukan fashi da Makami, Sata da aikata Daba da kuma Dilolin ƙwaya da dai sauransu.
Mai magana da yawun rundunar ƴan sandan jahar Kano SP Abdullahi Haruna Kiyawa ne, ya bayyana hakan ta cikin wata sanarwa da ya rabawa manema labarai a ranar juma’a .
Sanarwar ta ce, an samu nasarar ƙwato muggan makamai guda 46 , sai codeine 253 , madarar Sukudayin 200 da kuma ƙulli-ƙulli na tabar wawi guda 1,802 da Babura biyu sa sauran muggan ƙwayoyi.
Read Also:
Kwamishinan ƴan sandan jahar Kano CP Muhammad Usaini Gumel ya godewa al’ummar jahar bisa haɗin kai da goyon bayan sa suke bawa rundunar a koda yaushe.
Kiyawa ya ƙara da cewa, nasarar ra biyo bayan miƙa wuya da wasu matasa 99 suka yi sa ake zargi da aiyukan Faɗan Fada a cikin birnin Kano, waɗanda suka Tuba tare da ajiye makamansu.
Rundunar ƴan sandan jahar ta sanya tukwicin Naira dubu ɗari 300,000. ga dukkan wanda ya bauyar da bayanan sirri kan wasu matasa uku da suka ƙi miƙa wuya dan a cafke su.
PRNigeria hausa
