Hukumar immigration a jihar kano ta yi bikin cika shekaru 60

Shugaban hukumar kula da shige da fice ta kasa reshan jihar Kano, AD Bagari, yace hukumar ta sami tarin nasarari tun bayan kafuwarta a shekarar 1963, bama a jihar kano ba har a kasa baki daya.

AD Bagari ya bayyana hakan ne yayi zantawarsa da manema labarai, jim kadan bayan kammala taron bikin cika shekaru 60 da kafa hukumar.

A cewar sa amfani da hanyoyin zamani wajen hana kwararar baki ba bisa ka’ida ba zuwa kasar nan suma sun taka muhimmiyar rawa waje daga martabar hukumar a kasashen duniya.

PRNigeria ta rawaito cewa, taron ya sami halartar Mai martaba sarkin Kano Alh. Aminu Ado Bayero bisa wakilcin malam Lamido Abubakar Bayare Bunun Kano, Sheik Khalil Ahmad Adamawa wakilin masarautar Saudiya da sauran manyan baki daga kasashe makotan Nijeriya da sauran kasashen duniya.

PRNigeria hausa