Home Taska ‘Yan Bindiga sun ƙone shingen Jami’an NSCDC Tare da Garkuwa da Mutum...

‘Yan Bindiga sun ƙone shingen Jami’an NSCDC Tare da Garkuwa da Mutum 1 a Jihar Kebbi

‘Yan Bindiga sun ƙone shingen Jami’an NSCDC Tare da Garkuwa da Mutum 1 a Jihar Kebbi

Wasu ’yan bindiga sun kai hari garin Tsamiya da ke Ƙaramar Hukumar Bagudo a Jihar Kebbi, inda suka ƙone shingen bincike na rundunar Sibil Difens (NSCDC), tare da lalata wasu gine-gine a yankin.

Rahotanni sun ce ’yan bindigar sun kuma yi garkuwa da wani mutum mai suna Alhaji Yusuf Bazamfare yayin harin da suka kai a ranar Asabar.

A cewar mazauna yankin, ’yan bindigar sun kuma ƙone gidan karuwai da kuma gidan wani mutum mai suna Sule Mai Goge sannan suka tsere.

Mai magana da yawun Rundunar ’Yan Sandan Jihar Kebbi, SP Bashir Usman, ya tabbatar da faruwar lamarin, inda ya ce rundunar ta tura jami’anta zuwa yankin nan take bayan samun rahoton harin.

Ya ce Kwamishinan ’yan sandan jihar ya bayar da umarnin tura ƙarin jami’an tsaro domin tabbatar da tsaron rayuka da dukiyoyin al’umma a yankin.

“An fara bincike kan lamarin, sannan ana ƙoƙarin gano inda aka kai wanda aka yi garkuwa da shi domin kuɓutar da shi,” in ji shi.

SP Bashir Usman ya kuma buƙaci mazauna yankin da su kwantar da hankali tare da bai wa jami’an tsaro haɗin kai da sahihan bayanai da za su taimaka wajen gudanar da aikin ceto da bincike.

 
VISIT OUR OTHER WEBSITES
PRNigeria.com EconomicConfidential.com Hausa.PRNigeria.com
EmergencyDigest.com PoliticsDigest.ng TechDigest.ng
HealthDigest.ng SpokesPersonsdigest.com TeensDigest.ng
ArewaAgenda.com Hausa.ArewaAgenda.com YAShuaib.com
Latest News
Kashifu Inuwa: Jagorantar Kamfen Na Dimokuraɗiyya Na "Tinubu Must Stay" Mai Inganci Na Abdulkadir IbrahimTsakanin Ƙuri'u Da Haihuwa: Lokacin Da Lambobi Suka Zama Ƙarfin Ƙasa Da Ba A Yi Amfani Da Shi Ba Na Haroon Aremu Abiodun, ANIPRWPRF: Tinubu Ya Amince Da Kafa Jami'ar Hulɗa Da Jama'a Da JagoranciZaɓen 2027: NYSC Ta Hana Tura Ƴan Bautar Ƙasa Zuwa Ƙananan Hukumomi 94 Masu Rashin TsaroDalilin Da Ya Sa Afuwar Da Shugaba Tinubu Ya Yi Wa Wadanda Ake Zargi Da Harin Ayarin Motocinsa Ta Cancanci Yabo Na Umar Farouk BalaRundunar Sojojin Ruwa Ta Kwace Man Fetur na  ₦15.79m da Ake Zargin An Sace, ta Mika Buhunan Shinkafa 316 ga Hukumar KwastamDSS ta Roƙi Kotun Ɗaukaka Ƙara ta Tabbatar da Hukuncin Tarar N100m a Kan SERAP Bisa Ɓata Suna2027: Ƴan Sandan Sokoto Sun Umurci Tsaka-Tsaki, Sun Ƙarfafa Leken Asiri Gabanin Yaƙin Neman Zaɓe2027: NDC ta Kano ta Rasa Mataimakin Shugaban Ƙaramar Hukumar Bichi, Shugabannin Mazabu 5 zuwa APCƳan Jarida na Brand Sun Yaba wa IMPR kan Ƙirƙirar AI a PR, da Nasarar Grand Prix ta IPRA Mai TarihiTinubu Ya Umurci Sakin Mutane 78 da Ake Zargi Bayan Harin da Aka Kai wa Tawagar Shugaban ƘasaBUGUN SIYASA: Harin Tawagar Kwankwaso, Afuwar Tinubu Sun Ƙara Tashin Hankali a Yaƙin Neman ZaɓeBauchi 2027: Shehu Buba na PRP ya Kaddamar da Kwamitin Yaƙin Zaɓe na Mambobi 1,000Jihohi 33 Sun Nemi Ƙarin Dala Miliyan 500 na NG-CARESYawan Hauhawar Farashin Kayayyaki a Najeriya ya Ragu Zuwa Kashi 14.06% a Oktoba
X whatsapp