Sanatan Ifeanyi Ubah ya mutu a birni landan

Dan majalisar dattijai dake wakiltar mazabar Anambra ta kudu sanata Ifeanyi Ubah ya mutu

Mai Magana da yawun sanata Yemi Adaramodu ne ya bayyana hakan ga manema labarai a safiyar Asabar.

Sanata Ifeanyi Ubah wanda shine shugaban kamfanin Capital Oil, ya mutu ne a wani Otel dake birnin Landan a ingila a ranar Asabar.

An sake zaben sanatan a majalisa ta 10 karkashin inuwar jam’iyyar YPP, wanda a shekarar da ta gabata ya koma jam’iyya mai mulkin kasar nan ta APC.

A watan satumbar shekarar 2022, Sanata ifeanyi ya tsalle rijiya da baya bayan da ‘yan bindiga suka kai masa hari a kan hanyar sa ta Enugwu zuwa Ukwu a jihar Anambra.

PRNigeria Hausa