An amince da yarjejeniyar tsagaita buɗe wuta ta sa’a 24 a Sudan – RSF

Dakaru masu sanye da kayan sarki na RSF da ke faɗa da sojojin Sudan sun bayyana amincewa da yarjejeniyar tsagaita buɗe wuta ta sa’a 24, fara wa da misalin karfe 6 na yamma.

Cikin wata sanarwa da dakarun suka wallafa a shafinta na Twitter, ta ce “Mun amince da kudurin tsagaita buɗe wuta, kuma muna fatan sauran ɓangarorin za su bi yarjejeniyar da aka cimma,” in ji kungiyar

Sai dai babu tabbacin cewa ko sojojin Sudan sun amince da tsagaita buɗe wutan.

Ɓangarorin biyu sun ce za su mutunta yarjejeniyar tsagaita wuta ta sa’o’i 24 a ranar Talata.

Ana dai ci gaba da gwabza kazamin faɗa a ƙasar ta Sudan, musamman a kusa da hedkwatar sojojin da ke tsakiyar birnin Khartoum.

PRNigeria hausa