Shugaban ƙasa Bola Ahmed Tinubu ya janye afuwar da ya bai wa Maryam Sanda, wacce kotu ta taɓa yanke wa hukuncin kisa a shekarar 2020 bisa laifin kashe mijinta, Bilyaminu Bello.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Jaridar The Punch ta ruwaito cewa bayan yawan suka da cece-kuce daga jama’a kan sahihancin afuwar, shugaban ƙasa ya soke cikakkiyar afuwar, tare da mayar da hukuncin zuwa daurin shekaru 12 a gidan yari.
A watan Afrilu 2020 ne kotu ta samu Maryam Sanda da laifin kashe mijinta, ɗan siyasa kuma ɗan gidan tsohon shugaban jam’iyyar PDP, Haliru Bello, bayan muhawara ta cikin gida ta kai ga rikici.
A lokacin bikin ranar ‘yancin kai ta bana, an saka sunanta cikin jerin mutanen da shugaban ƙasa ya ba wa afuwa, lamarin da ya jawo matsanancin bacin rai daga jama’a, musamman daga kungiyoyin kare haƙƙin mata da iyalai.
Wata majiya daga fadar shugaban ƙasa ta tabbatar wa da manema labarai cewa an duba batun afuwar nan daga farko, kuma aka yanke shawarar a soke ta domin tabbatar da adalcinta ga waɗanda abin ya shafa.
Da wannan sabon mataki, Maryam Sanda za ta ci gaba da zaman gidan yari na shekaru 12, bisa umarnin da fadar shugaban ƙasa ta tabbatar.
