Gwamnan jihar Kano Alhaji Abba Kabir Yusuf ya cire Sunusi Surajo Kwankwaso daga mukamin mai ba shi shawara kan harkokin siyasa tare da maye gurbinsa da Mustapha Buhari Bakwana.
Hakan na cikin wata sanarwa da daraktan yada labaran Gwamnan Kano Sanusi Bature Dawakin Tofa ya wallafa a shafinsa na Facebook.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Idan za’a iya tunawa Sunusi Surajo Kwankwaso ya bayyana cewa ya kai takardarsa ta ajiye aiki amma anki karbar, wanda ya ce hakan ce tasa a fito fili ya fadawa Duniya cewa ya ajiye mukamin nasa.
Sunusi Surajo Kwankwaso dai na daga cikin wadanda tun a tashin fari suka nuna cewa za su kasance tare da madugun Kwankwasiyya Sanata Rabi’u Musa Kwankwaso.
Wannan dambarwar dai ta Sami asali ne tun lokacin da aka fara jita-jitar gwamnan Kano zai raba gari da ubangisansa na Siyasa Sanata Rabi’u Musa Kwankwaso.
Bakwana dai ya taba rike wannan mukamin lokacin mulkin Dr. Abdullahi Umar Ganduje yana gwamnan Kano.
