‘Yan bindiga da ake zargin mambobin haramtacciyar kungiyar ‘yan awaren biyafara ce dake gudanar da ayyukan ta a Kudu Maso Gabashin Nijeriya, a wani bangare na tabbatar da kudirin zaman gida dole ga Al’ummar yankin sun kone Motar siminti ta Dangote makare da kaya a mahadar Beach dake karamar hukumar Nsukka dake Jihar Enugu kasar.
Wasu mazauna yankin da suka bukaci a sakaye sunansu, sun bayyana cewa lamarin ya auku ne da misalin karfe 5:30 na Asubahi inda Al’ummar yankin ke tsaka da bacci.
Read Also:
Duk da dai ba’a rasa rai ba amma dai an rawaito cewa maharan sun lakadawa matukin motar dukan kawo wuka, inda daga bisani suka kuma sakeshi ya tafi.
“Na ji kukan wani wanda daga bisani na fahimci direban motar ne. Abu na gaba da na gani kuma shine hayaki na tashi daga motar, wanda ke alamta a kunna mata wuta, kamar yadda majiyar ta tabbatar, a cewar wani mazaunin yankin.
PRNigeria ta rawaito cewa bayan sun bar wajen ne wasu daga cikin Al’umma suka kashe wutar domin hana cinye motar, kasancewar motar na dauke da simintin na miliyoyin Naira.
