Dakarun sojin Nijeriya karkashin WHIRL STROKE sun sami nasarar kame wata mota mai lambar Abuja KWL 846 XB makare da yankakkun tsaffin karafunan layin dogo akan hanayar Udei zuwa Makurdi lafiya, gami da wasu mutum 7 dake cikin motar.
Wannan na cikin wata sanarwa da daraktan yada labaran rundunar sojin Nijeriyar ya Manjo Janar Bernar Onyeuko ya fita a wani bangare na bayyana irin na sarorin da rundunar ke samu wajen kawar da ayyukan ‘yan ta’adda a fadin kasar.
Sanarwar tace tuni aka mika motar da mutun 7 dake cikin ta da ake zargin su da aikata laifin ga hukumomin da suka dace domin fadada bincike.
Haka kuma dakarun na WHIRl STROKE sun sami nasarar kama wani mutum mai suna Mista Ardo Manu Abdulrahman wanda take zargi da bada hayar makamai ga ‘yan ta’adda masu garkuwa da mutane da sauran aikata laifuka a jihar Taraba.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
A yayin sumamen rundunar ta sami nasarar kwato wayoyin hannu guda 4 da kudi naira Dubu Saba’in da Hudu da dari uku da arba’in (74,340.00), haka kuma a wani sumamen makaman cin wannan a wata maboyar ‘yan ta’addan a Maraba a mazabar Ukyongun Ityuluv na karamar hukumar Ukum dake jihar Benuwai dakarun sun sami nasarar kama wani mutum Mista Ichen Gbaka da matasar Uwargida Saloma Gbaka da suke hada baki da ‘yan ta’addan.
Sanarwa ta kara da cewa a ranar 24 ga watan Yuni 2022 dakarun sun sami nasara kame wasu masu garkuwa da mutane domin karbar kudin fansa su hudu (4) a mazabar Igumale dake karamar hukumar Ado ta jihar Benuwai, wanda tuni suka mika su hannun jami’an ‘Yan Sanda.
A ranar 26 ga watan Yuni, 2022 dakarun soji suka gudanar da wani sumame amaboyar ‘yan ta’addan dake kauyen Mbahuwuhe dake karamar hukumar Katsina-Ala ta jihar ta Benuwai, a yayin sumamen an halaka ‘yan ta’adda uku (3) tare da kubutar da wanda sukayi garkuwa da shi Auya Tisa, yanzu haka yana karbar magani gami da kulawar likitoci, tare da kwato babur din hawa guda daya (1) wayoyin hannu guda biyu (2) kafin kwato kayan sai da dakarun suka fatattaka maboyar ‘yan bindigar.
