Gobara ta kama a shalkawatar rundunar ‘yan sandan jihar kano
Rahotannin na bayyana cewa gobara ta kama shalkatar rundunar ‘yan sanda jihar kano dake unguwar bompai a yammacin ranar asabar.
Jaridar PRNigeria ta ruwaito cewa gobarar ta fara ne daga ofishin Provost ta kuma bazu zuwa sashen kudi, ta biyo ta dakin taro, zuwa ofishin kakakin hukumar, gami da ofishin mataimakin kwamishina (dake lura da gudanarwa) da dai sauransu.
Jaridar ta ruwaito cewa wutar ta taba dukkanin ofisoshin dake gini mai lakabin 1967, idan banda ofishin kwamishinan
“Mun yi kokarin kashe gobarar daga Ofishin provost ta hanayar amfani da abn kashe gobarar na hannu amma sai wutar ta bazau zuwa wasu ofisoshi. Kamar yadda wani ma’aikacin hukumar kashe gobara ya shaidawa manema labarai.
PRNigeria hausa
