Shugaban (NITDA) ya Halarci Taron ba wa Ministan Sufuri Ɗan Amanar Daura
Mai girma shugaban hukumar bunƙasa fasahar sadarwar zamani ta ƙasa, (NITDA), Malam Kashif Inuwa Abdullahi, (CCIE), a jiya, ya halarci taron bikin naɗin ministan sufuri, mista Rotimi Chibuke Ameachi a matsayin ɗan Amanar Daura, tare da halartar liyafar taya shi murna.
Read Also:
Bikin naɗin sarautar wanda aka gudanar a birnin Daura na Jihar Katsina, ya samu halartar manyan muhimman mutane daga sassa daban-daban na Nageriya, daga ciki akwai:
Mai girma mataimakin gwamnan Jihar Kano, Dakta Nasiru Yusuf Gawuna, jigo a jam’iyyar APC, Onarabul Faruƙ Adamu Aliyu Birnin Kudu, tsohon shugaban dakarun sojin ƙasa, Laftanar, Janar Yusuf Buratai, mai girma Ɗan Amanar Dutse, kana kuma ƙusa a jam’iyyar APC, Alhaji Nasiru Dano, mai girma ɗan majalissar dakoki na Jihar Jigawa, Onarabul Abubakar Sadik Jallo, da sauran muhimman mutane da dama.
Lahadi, 6 ga watan Janairu, 2022.
Comments are closed.