Rundunar sojojin Najeriya ta ce dakarunta sun sami nasarar bankado maboyar mayakan boko haram tsagin ISWAP a jihar Borno dake Arewa maso gabashin kasar.
Wannan na kunshe ta cikin wata sanarwa da daraktan yada labaran rundunar sojin Nijeriya Manjo Janar Onyema Nwachukwa ya fitar aka raba manema labarai.
Read Also:
- An Cire Pantami: Lauyoyi 5 Sun Bai wa INEC Wa’adin 14 ga Oktoba Don Wallafa Sunan Ɗan Takarar PDP
- AIG Ahmed Musa ya Karbi Aiki a Matsayin Shugaban Ƴan Sanda na 25 na Yankin 10, ya yi Alkawarin Inganta Tsaro a Sakoto Kebbi da Zamfara
- Sojoji Sun Kashe Wanda Ake Zargi da Aikata Ta’addanci, Sun Kwato Bindigar AK-47 a Sokoto
Sanarwar ta ce dakarun rundunar karkashin “operation Desert Sanity III” sun kai wani harin ta sama da kuma makaman atilare a hannu guda da wasu dakru na musamman a kauyukan Ngumne, kawaran da Mangu dake dajin sambisa da yankin Timbuktu.
Yace dakarun sojin sun yi bata-kashi da mayakan boko haram inda suka yi amfani da wasu makamai masu fashewa kan mayakan na ISWAP, wannan ta sanya suka ci karfin mayakan inda suka ranta a na kare.
Nwachukwa ya kara da cewa dakarun sojin sun sami nasarar kwato manyan makamai, da suka hadar da motar dake daukan bindigu, bindigar kirar 105mm howitzer, haka kuma sun tarwatsa maboyar mayakan na ISWAP.
PRNigeria Hausa
