Hukumar yaki da masu yiwa tattalin arzikin kasa zagon kasa ta EFCC ta yabawa babban banki na kasa bisa matakin sake fasalin wasu takardun kudin kasar.
Yabon na kunshe ne cikin wata sanarwa da mai Magana da yawun hukumar Wilson Uwajaren ya fitar bayan taron manema labarai a ranar Laraba a birnin Abuja.
Read Also:
Da yake bayani kan matakin, shugaban hukumar EFCC AbdulRasheed Bawa, yace matakin ya zo daidai lokacin da ake bukata, mussaman duba da kalubalen da ake fuskanta ta bangaren kudi, wanda yace ya haifar da koma baya ga tsare-tsaren hada-hadar kudade
Haka kuma ya bukaci bngaren hada-hadar kudi da cibiyoyin musayar kudaden ketare da su yi aiki bisa sharuddan da babban bankin ya gindaya, na ganin an janye tsaffin takardar kudi, yana mai gargadin cewa hukumar ta EFCC za ta sa ido na ganin baragurbi basu kawo cikas ga ci gaban ba.
Tare da kira ga bankuna da su yi watsi da duk wani kokari da za a yi amfani da sun a ganin ba a cimma nasara ga Shirin ba.
